AC Milan komið með fjögurra stiga forskot á Ítalíu

Juventus er að gefa eftir í toppbaráttunni á Ítalíu en liðið gerði aðeins markalaust jafntefli gegn Genoa í dag á meðan AC Milan lagði Lecce.

Mílanóliðið er þar með komið með fjögurra stiga forskot á Juventus í toppbaráttunni.

Leikmenn Milan augljóslega búnir að hrista af sér leikinn slaka gegn Arsenal því þeir voru sannfærandi í dag.

Úrslit:

AC Milan-Lecce  2-0

Antonio Nocerino, Zlatan Ibrahimovic.

Atalanta-Parma  1-1

Thomas Manfredini - Gabriel Paletta.

Catania-Fiorentina  1-0

Francesco Lodi, viti.

Cesena-Siena  0-2

- Franco Brienza, Erjon Bogdani.

Genoa-Juventus  0-0.