AC Milan vill fá Kagawa og Kolarov

Það verða hugsanlega asísk áhrif í leik AC Milan á næstu leiktíð því félagið er með Japanann Shinji Kagawa í sigtinu en leikmaðurinn hefur slegið í gegn hjá Borussia Dortmund.

Milan vantar ferska fætur á miðjuna hjá sér næsta vetur og Kagawa hefur verið settur mjög ofarlega á innkaupalistann. Milan er til í að tvöfalda laun leikmannsins.

Kagawa er samningsbundinn Dortmund til ársins 2013 og Milan hefur gengið illa að ná samkomulagi við forráðamenn Dortmund.

Milan er einnig að skoða Aleksandar Kolarov, leikmann Man. City.