Höskuldur Skúli nýr útibússtjóri Íslandsbanka

Höskuldur Skúli Hallgrímsson hefur verið ráðinn útibússtjóri Íslandsbanka á Húsavík og tekur hann við starfinu 1. júlí nk. Lilja Rögnvaldsdóttir, sem gegnt hefur útibússtjórastöðunni undanfarin tæp 4 ár heldur nú á önnur mið og er henni þakkað gott starf, að því er segir í tilkynningu frá Íslandsbanka.

Höskuldur Skúli kom til starfa í útibúinu árið 2007 og hefur gegnt stöðu viðskiptastjóra fyrirtækja. Áður var hann fjármálastjóri hjá Orkuveitu Húsavíkur. Höskuldur Skúli er með B.Sc. gráðu í viðskiptafræði frá Háskólanum á Bifröst en hann er að auki rafiðnaðarfræðingur og iðnrekstrarfræðingur frá Tækniháskóla Íslands.