Sædís Íva ráðin útibústjóri Arion banka á Selfossi

Sædís Íva Elíasdóttir hefur verið ráðin útibússtjóri Arion banka á Selfossi. Sædis Íva mun jafnframt gegna stöðu svæðisstjóra Arion banka á Suðurlandi.

Í tilkynningu segir að Sædís Íva hafi starfað sem framkvæmdastjóri Atvinnuþróunarfélags Suðurlands frá 2008 og var þar áður í sjálfstæðum atvinnurekstri. Hún gegndi að auki starfi framkvæmdastjóra Eignarhaldsfélags Suðurlands.

Sædís Íva er rekstrarfræðingur frá Samvinnuháskólanum á Bifröst og er með MBA gráðu frá Háskóla Íslands. Hún er gift Grétari Einarssyni búfræðingi og saman eiga þau þrjú börn.