Stefán Már og Þórður Rafn spiluðu þriðja hring á tveimur undir pari

Þórður Rafn Gissurarson úr Golfklúbbi Reykjavíkur er í 24. sæti að loknum þremur hringjum á Land Fleesensee Classic-mótinu í Þýskalandi.

Þórður Rafn lék hringinn í dag á tveimur undir pari og er á tveimur undir samanlagt. Nokkuð langt er í efstu menn en Sebastian Heisele var samanlagt á sextán undir pari þegar einni holu var ólokið á þriðja hring.

Stefán Már Stefánsson, einnig úr GR, spilaði hringinn í dag einnig á tveimur undir pari. Hann er í 36. sæti á einu höggi yfir pari samanlagt.