Meirihluti stjórnenda telur aðstæður í atvinnulífinu slæmar

Mikill meirihluti stjórnenda telur aðstæður í atvinnulífinu vera slæmar og þeim fækkar verulega sem búast við að þær batni á næstunni. Þetta eru helstu niðurstöður ársfjórðungslegrar könnunar á stöðu og framtíðarhorfum stærstu fyrirtækja á vegum Samtaka atvinnulífsins.

Stjórnendur í sjávarútvegi og byggingariðnaði líta horfurnar dekkstum augum og þannig telja 90% stjórnenda í sjávarútvegi horfurnar vera slæmar. Skásta matið á aðstæðum er í fjármálaþjónustu, ýmissi sérhæfðri þjónustu og iðnaði þar sem u.þ.b. 55% telja aðstæður slæmar,

Fjallað er um málið á vefsíðu SA. Þar segir að könnunin hafi verið gerð um mánaðamótin maí-júní. Í henni kemur fram að þrír af hverjum fjórum stjórnendum á landsbyggðinni telja aðstæður slæmar, en þrír af hverjum fimm á höfuðborgarsvæðinu. Í öllum atvinnugreinum telur meirihluti stjórnenda aðstæður slæmar.