Íbúðaleigusamningum fækkaði milli ára í maí

Töluverð fækkun varð á þinglýstum leigusamningum um íbúðahúsnæði á nær landinu öllu milli ára í maí.

Fækkaði samningunum um rúmlega 19% frá maí í fyrra og til maí í ár eða úr 761 og niður í 613 samninga.

Einna mest varð fækkunin á Suðurlandi eða um tæplega 32% og á höfuðborgarsvæðinu eða um rúmlega 20%. Að vísu fækkaði þessum samningum um 58% á Austurlandi en aðeins 5 samningar eru að baki þeirra fækkun. Þetta kemur fram á vefsíðu Þjóðskrár Íslands.

Hinsvegar fjölgaði leigusamningum milli apríl og maí s. á landinu öllu eins og yfirleitt gerist á vorin.