Skuldir lækkuðu vegna afskriftagleði lánardrottna

Ástæðan fyrir því að skuldir heimila og fyrirtækja hafa lækkað er sú að bankar og lánardrottnar séu orðnir fúsari til að afskrifa skuldir. Þetta sagði Sigríður Benediktsdóttir, framkvæmdastjóri Fjármálastöðugleika hjá Seðlabankanum.

Sigríður sagði frá því á fundi Seðlabankans um fjármálastöðugleika að skuldir heimila sem hlutfall af vergri landsframleiðslu (VLF) hafa lækkað um 8% í fyrra miðað við 2010. Munurinn er meiri hjá fyrirtækjum en skuldir þeirra miðað við VLF hafa lækkað um 30% milli ára.

Sigríður sagði lánardrottna hafa verið viljuga við að afskrifa skuldir á fyrstu árunum eftir hrun en nú hefði nokkuð hægt á þeirri þróun, m.a. vegna lagaágreinings um lánasamninga. Þetta kom fram í frétt Viðskiptablaðsins.