Gelana sigraði í maraþonhlaupi kvenna

Tiki Gelana frá Eþíópíu kom fyrst í mark í maraþonhlaupi kvenna á Ólympíuleikunum í London í dag.

Gelana, sem verður 25 ára í október, hljóp kílómetrana 42 á 2:23.07 sekúndum og hafði betur í baráttu við Priscah Jeptoo frá Keníu eftir mikið kapphlaup í lokin.

Gelana og Jeptoo hlupu því sem næst hönd í hönd alla leiðina ásamt þeim Tatyönu Petrovu Arkhipovu frá Rússlandi sem nældi í bronsverðlaun og Mary Jepkosgei Keitany frá Kenía sem varð fjórða.

Heimsmetið í maraþonhlaupi kvenna er 2:15.25 sem Paula Radcliffe setti árið 2003.