Níu ára ruðningshetja slær í gegn

Níu ára stúlka, Sam Gordon, hefur slegið í gegn í Bandaríkjunum eftir að myndband af afrekum hennar í ruðningsíþróttinni fór um internetið eins og eldur um sinu.

Gordon er eina stúlkan í ruðningsliði sínu en eins og sjá má í meðfylgjandi myndbandi fer hún oft illa með jafnaldra sína í leikjum.

Hún hefur slegið í gegn og síðustu vikurnar verið vinsælt viðtalsefni hjá fjölmörgum sjónvarpsstöðvum vestan hafs.

Hún hefur þó tekið fram að hún stefnir frekar á að gerast atvinnumaður í knattspyrnu - fremur en að leggja ruðninginn fyrir sig.