Matthías Máni í einangrun á Litla-Hrauni

„Já, Matthías Máni er í einangrun," segir varðstjóri í fangelsinu á Litla-Hrauni. Eins og fram hefur komið í dag gaf Matthías Máni Erlingssson, sem strauk úr fangelsinu síðastliðinn mánudag, sig fram við ábúendur á Ásólfsstöðum í Þjórsárdal snemma í morgun.

Ekki er búið að taka ákvörðun um hvort að Matthías Máni verði í einangrun yfir Jól og áramót. Sú ákvörðun verður tekin af Margréti Frímannsdóttur, fangelsisstjóra á Litla-Hrauni.

Á blaðamannafundi í dag sagði Arnar Rúnar Marteinsson, aðalvarðstjóri hjá lögreglunni, að ekki væri vitað hvernig Matthías Máni hefði komist fyrir þau vopn sem hann var með í morgun.

Matthías Máni var vopnaður riffli, hnífum og öxi.