Fær 140 þúsund króna sekt og missir bílprófið

Tvítugur maður sér fram á missi ökuleyfis og þarf að greiða 140 þúsund krónur í sekt eftir að lögreglan á Suðurnesjum stóð hann að hraðakstri á Reykjanesbraut þar sem er 90 kílómetra hámarkshraði.

Að sögn lögreglu hefur hún á á síðustu dögum hafti afskipti af allmörgum ökumönnum sem ekið hafa yfir leyfilegum hámarkshraða í umdæminu. Tvítugi maðurinn er sá sem mældist á mestum hraða.

„Aðrir brotlegir ökumenn mældust frá 116 kílómetra hraða og allt upp í 143 kílómetra á klukkustund. Þeir eiga einnig yfir höfði sér sektargreiðslur upp á tugi þúsunda og sumir þeirra ökuleyfissviptingu að auki," segir í skýrslu lögreglunnar á Suðurnesjum. - óká