Einn stjórnarliði sagði nei

Frumvarpi um fjármögnun Vaðlaheiðarganga var vísað til fjárlaganefndar eftir aðra umræðu í gær. Málið var samþykkt með 31 atkvæði gegn átján, en sex þingmenn sátu hjá.

Mörður Árnason greiddi atkvæði gegn málinu, einn stjórnarliða, en sjö stjórnarandstæðingar greiddu atkvæði með því. Fjórir stjórnarliðar greiddu ekki atkvæði, þar á meðal Ögmundur Jónasson innanríkisráðherra.

Ögmundur sagði í ræðu sinni á þingi að um væri að ræða fjármögnun ríkisins og sem slík hefðu göngin átt að fara eins og aðrar ríkisframkvæmdir á samgönguáætlun.- þj