Birkir og félagar í Pescara töpuðu | Milan á sigurbraut

Sex leikir fóru fram í ítölsku seríu A-deildinni í knattspyrnu  í dag en Birkir Bjarnason og félagar í Pescara töpuðu illa fyrir Torino 2-0 á heimavelli.

Birkir Bjarnason lék allan leikinn fyrir Pescara en Mario Alberto skoraði fyrsta mark leiksins eftir aðeins fjögurra mínútna leik.

Það var síðan Alessio Cerci sem skoraði annað mark leiksins rétt fyrir lok fyrri hálfleiksins. AC Milan vann fínan sigur á Bologna 2-1 en Giampaolo Pazzini skoraði bæði mörk Milan í leiknum.

Það var Phillipe Mexès, leikmaður AC Milan, sem gerði eina mark Bologna í leiknum en hann gerði sjálfsmark rétt fyrir leikslok í stöðunni 2-0. Hér að neðan má sjá úrslitin í leikjunum sem er lokið í ítölsku deildinni í dag.

Juventus er í efsta sæti deildarinnar með 48 stig. Birkir Bjarnason og félagar í Pescara eru í 17. sæti með 20 stig.  

Úrslit dagsins:

Fiorentina - Napoli - 1 - 1

AC Milan - Bologna - 2 - 1 

Chievo - Parma - 1 - 1 

Genoa - Catania - 0 - 2 

Pescara - Torino - 0 - 2 

Siena - Sampdoria - 1 - 0 

Atalanta - Cagliari - 1 - 1