Góð úrslit hjá Dortmund

Þýska liðið Borussia Dortmund er í fínni stöðu fyrir seinni leikinn gegn Shaktar Donetsk eftir að hafa gert 2-2 jafntefli í Úkraínu í kvöld.

Þýska liðið kom tvisvar til baka og það var varnarmaðurinn Mats Hummels sem jafnaði leikinn undir lokin með góðu skallamarki eftir slæma dekkningu.

Áður hafði Douglas Costa komið Shaktar yfir með glæsilegu marki en hann hafði þá aðeins verið inn á vellinum í sex mínútur.

Leikurinn var opinn og bráðskemmtilegur og því von á meira fjöri í seinni leiknum.