Dortmund vandræðalaust áfram

Þýsku meistaranir í Dortmund eru komnir áfram í 8-liða úrslit Meistaradeildar Evrópu eftir öruggan 3-0 sigur á Shakhtar Donetsk í kvöld.

Liðin skildu jöfn, 2-2, í fyrri leiknum í Úkraínu og Dortmund hafði því betur samanlagt, 5-2. Felipe Santana, Mario Götze og Jakub Blaszczykowski skoruðu mörk Þjóðverjanna í kvöld.

Jafnræði var með liðunum fyrstu 30 mínúturnar en eftir fyrstu tvö mörkin var sigur Dortmund aldrei í hættu.

Dortmund varð Evrópumeistari árið 1997 eftir sigur í Meistaradeildinni og þykja jafnvel líklegir til afreka nú.