Balotelli með tvö fyrir Milan í sigri á Palermo

Fimm leikir fóru fram í ítölsku seríu A-deildinni í knattspyrnu í dag og ber helst að nefna frábær frammistaða hjá Mario Balotelli fyrir AC Milan en hann gerði bæði mörkin fyrir liðið í sigri á Palermo 2-0.

Fyrsta mark leiksins kom eftir aðeins átta mínútur þegar Balotelli skoraði úr vítaspyrnu en staðan var 1-0 í hálfleik.

Balotelli gerði síðan sitt annað mark í leiknum á 66. mínútu og kom heimamönnum í góða stöðu.

Fiorentina vann fínan sigur á Genoa 3-2 á heimavelli. Alberto Aquilani kom heimamönnum á bragðið með fínu marki eftir rúmlega hálftíma leik. Daniele Portanova jafnaði metin fyrir Genoa í byrjun síðari hálfleiksins.

Það tók ekki nema fjórar mínútur fyrir Fiorentina að komast aftur yfir þegar Juan Cuadrado skoraði. Mattia Cassani skoraði síðan sjálfsmark fyrir Genoa og því vann Fiorentina 3-2 sigur.

Napoli vann fínan sigur á Atalanta 3-2 á San Paolo-vellinum í Napoli. Juventus er sem fyrr í efsta sæti deildarinnar með 65 stig, 11 stigum á undan Napoli sem eru í öðru sæti. AC Milan er síðan í því þriðja með 54 stig.

Úrslit dagsins:

Siena - Cagliari 0 - 0

AC Milan - Palermo 2 - 0

Fiorentina - Genoa 3 - 2

Napoli - Atalanta 3 - 2

Pescara - Chievo 0 - 2