AC Milan skaust upp í annað sætið eftir sigur á Chievo

AC Milan vann fínan sigur, 1-0, á Chievo í ítölsku seríu A-deildinni í knattspyrnu en eina mark leiksins gerði Riccardo Montolivo, leikmaður AC Milan, á 25. mínútu leiksins.

Leikurinn var heldur rólegur en virkilega mikilvægur sigur fyrir Milan sem skaust upp í annað sæti deildarinnar.

Juventus er sem fyrr í efsta sæti deildarinnar með 68 stig, 11 stigum á undan AC Milan sem er í því öðru.

Napoli leikur síðar í kvöld Torino sem getur endurheimt annað sætið með sigri.