Heillaóskir til stelpnanna

Íslenska kvennalandsliðið í knattspyrnu mætir Skotum í æfingaleik á Laugardalsvelli á morgun. Áhorfendur eru hvattir til að senda stelpunum baráttukveðjur fyrir Evrópumótið í Svíþjóð.

Vallargestum gefst kostur á að skrifa á kveðjukort til stelpnanna okkar. Fulltrúar KSÍ og landsliðsins verða á ferðinni með stór kort í undirgöngunum á Laugardalsvelli fyrir leik. Áhorfendur eru hvattir til þess að hvetja stelpurnar með fallegri kveðju.

Leikurinn á Laugardalsvelli hefst klukkan 16.45. Ókeypis er inn fyrir börn 16 ára og yngri, eldri borgara og öryrkja.