Óskar Pétursson puttabrotinn

Markvörðurinn Óskar Pétursson, leikmaður Grindavíkur, puttabrotnaði í leik gegn Leikni í 1. deild karla síðastliðin laugardag.

Vefsíðan fotbolti.net greinir frá þessu í dag.

Grindvíkingar verma toppsætið í 1. deildinni og því mikið áfall fyrir þá að missa markvörð sinn frá í meiðsli.

Ekki er vitað hversu lengi Óskar verður frá en hann missir í það minnsta af leiknum gegn Selfyssingum annað kvöld.

Grindavík er í efsta sæti deildarinnar með 36 stig en Haukar, Fjölnir og BÍ/Bolungarvík eru öll með 34 stig í öðru til fjórða sætinu.