Töluvert frost um næstu helgi

Veðrið hefur sett svip sinn á höfuðborgarsvæðið síðastliðin sólahring en töluverð snjókoma hefur gert vart við sig.

Umferð hefur gengið nokkuð þægilega fyrir sig en mikil hálka er á götum Reykjavíkurborgar.

Gera má ráð fyrir að hitastigið verði í kringum frostmark næstu daga en ætti að hlýna örlítið á fimmtudeginum og jafnvel fram á föstudag.

Nokkuð hvassviðri verður á norðurströndinni í lok vikunnar og frystir víðast hvar um landið.

Gera má ráð fyrir töluverðu frosti um land allt næstu helgi en léttskýjað og lítið um úrkomu.

Frost gæti farið niður í 16 gráður í innsveitum um næstu helgi. Á höfuðborgarsvæðinu gæti frost farið niður í sex gráður.