Umsátur í Árbæ: Myndir frá aðgerðum lögreglu í morgun

2. desember 2013 13:02

Lögreglumenn sem komu að málinu hafa fengið áfallahjálp frá sálfræðingi lögreglunnar. myndir/pjetur

Byssumaðurinn í Hraunbænum lét skotum rigna yfir sérsveitarmenn lögreglunnar þegar þeir gerðu tilraun til að ryðjast inn í íbúðina. Maðurinn hitti einn sérsveitarmann í höfuðið og skotin flugu framhjá höfðum annarra. Lögreglan skaut þá manninn og yfirbugaði.

Maðurinn lést af sárum sínum á bráðamóttöku, en það hefur aldrei gerst áður á Íslandi að maður falli fyrir skoti í átökum við lögregluna.

Milli 15 til 20 lögreglumenn komu að málinu og síðan sérsveitarmenn að auki. Meðfylgjandi myndir tók ljósmyndari Vísis.

Þetta er í fyrsta sinn sem maður deyr af völdum skotvopna í átökum við lögreglu.mynd/pjetur

Lögreglan segir íbúa hafa verið í mikilli hættu meðan á þessu stóð.mynd/pjetur

Ekki hægt að upplýsa um af hversu mörgum skotum var hleypt í íbúðinni, hvorki af hendi lögreglu eða mannsins.mynd/pjetur

Maðurinn lést af skotsárum skömmu eftir komuna á bráðamóttöku Landspítalans.mynd/pjetur

Stefán Eiríksson segir að fyrsta tilkynningin hafi borist klukkan þrjú.mynd/pjetur

Ákveðið var að ráðast inn þegar maðurinn hóf að skjóta út um glugga íbúðarinnar.mynd/pjetur

Byssumaður í Árbæ

Tengdar fréttir

Skotum rigndi yfir sérsveitarmenn - hitti einn í höfuðið

Byssumaðurinn í Hraunbænum lét skotum rigna yfir sérsveitarmenn lögreglunnar þegar þeir gerðu tilraun til að ryðjast inn í íbúðina. Lögreglan harmar atburðinn og vill koma innilegum samúðarkveðjum til ættingja mannsins.

2. desember 2013 11:44

Íbúi við Hraunbæ: Heyrði um fimmtíu skot

„Það voru fjörutíu löggur fyrir utan. Ég hafði engar áhyggjur af þessu,“ segir íbúi við Hraunbæ, þar sem lögregla yfirbugaði byssumann í morgun.

2. desember 2013 09:48

Blaðamannafundur vegna skotárásar í Árbæ

Ríkislögreglustjóri og Lögreglustjórinn á höfuðborgarsvæðinu hafa boðað til blaðamannafundar klukkan 11.

2. desember 2013 10:35

Umsátursástand í Árbæ - skotið á lögreglumenn

Umsátursástand er í Árbæjarhverfi í Reykjavík þar sem maður virðist hafa skotið af byssu. Allt tiltækt lið lögreglu er á staðnum og hefur verið opnuð fjöldahjálparmiðstöð fyrir íbúa á svæðinu sem hafa verið látnir yfirgefa heimili sín. Maðurinn virðist staddur í blokk í Hraunbænum. Stóru svæði í hverfinu hefur verið lokað.

2. desember 2013 06:21

Fyrsta sinn sem maður fellur fyrir skoti íslenskrar lögreglu

Það hefur aldrei áður gerst að maður falli fyrir skotum íslenskrar lögreglu.

2. desember 2013 11:28

Myndband: Lögreglumenn skjóta á íbúð mannsins

Á meðfylgjandi myndskeiði má sjá sérsveitarmenn frá lögreglunni þegar aðgerðin í Árbæ stóð sem hæst. Meðal annars sést hvar lögreglumenn skjóta að því er virðist reyk- eða táragassprengjum inn í íbúð mannsins sem hafði lokað sig af í íbúð sinni.

2. desember 2013 08:26

NÁGRANNAR UM BYSSUMANNINN: „Hann var bara búinn að vera ruglaður í hálfan sólarhring“

Íbúar í Hraunbæ eru slegnir eftir viðburðina í morgun en lögreglan yfirbugaði byssumann á sjönda tímanum. Nágrannar voru vaktir af lögreglu og þeir fluttir með strætisvagni í Árbæjarkirkju þar sem fjöldahjálparmiðstöð hafði verið sett upp.

2. desember 2013 08:15

Nágranni byssumannsins: „Var svo hrædd að ég vildi ekki vekja börnin“

Íbúum við Hraunbæ er brugðið eftir skothríð sem varð þar á sjöunda tímanum í morgun.

2. desember 2013 08:02

Maðurinn lést af völdum skotsára

Lést skömmu eftir komu á bráðadeild Landspítalans af skotsárum.

2. desember 2013 09:53

Búið að yfirbuga manninn

Búið er að yfirbuga manninn sem skaut af byssu við Árbæ í morgun og er búið að aflétta lokun sem var í stórum hluta hverfisins. Lögreglan tilkynnti íbúum sem höfðu verið fluttir í Árbæjarkirkju þetta nú fyrir skömmu. Ekki er vitað hvort maðurinn sé særður.

2. desember 2013 06:57