Freydísi Höllu gekk best

Freydís Halla Einarsdóttir, María Guðmundsdóttir og Erla Ásgeirsdóttir kepptu í tveimur stórsvigsmótum í heimsbikarbrekkunni í Åre í Svíþjóð í gær.

Freydís hafnaði í 13. sæti í fyrra mótinu, María í 14. sæti og Erla í 21. sæti.Freydís fékk 58.45 FIS punkta fyrir árangur sinn, María 67.20 FIS punkta og Erla 87.21 FIS punkta.

Í seinna mótinu varð Freydís Halla í 9.sæti og fékk 71.83 FIS punkta. Erla var í 17.sæti með 97.26 FIS punkta en þær voru báðar nokkuð frá sínu besta í þessu móti. María Guðmundsdóttir lauk ekki fyrri ferð.

Í dag keppir Einar Kristinn Kristgeirsson á tveimur stórsvigsmótum á sama stað.