FH komst yfir gegn Rússunum en tapaði

Atli Guðnason skoraði eina mark FH sem tapaði fyrir Spartak Mosvku á Atlantic Cup-mótinu í Portúgal í kvöld.

Markið skoraði hann á tíundu mínútu en Spartak jafnaði metin á 23. mínútu og komst yfir sex mínútum síðar. Rússarnir innsigluðu svo sigurinn með marki um miðjan síðari hálfleikinn.

Þetta var annað tap FH á mótinu en liðið tapaði fyrir Örebro frá Svíþjóð, 4-1, á miðvikudaginn.

FH leikur gegn austurríska liðinu Mattersburg á þriðjudaginn en Breiðablik mætir FCK frá Danmörku á morgun.