Helga María hafnaði í 29. sæti | Myndband

Hin 18 ára gamla Helga María Vilhjálmsdóttir tók þátt í risasviginu á ÓL í morgun. Hún hafnaði í 29. sæti af 50 keppendum.

Brautin var mjög erfið og nítján þátttakendum hlekktist á leið sinni niður. Helga María fór þó örugglega niður.

Hún kom í mark á tímanum 1:33,42 mínútur og var tæpum átta sekúndum á eftir sigurvegaranum Önnu Fenninger frá Austurríki.

Helga María mun einnig taka þátt í svigi og stórsvigi í Sotsjí. Hér að ofan má sjá ferðina hennar í morgun.