Mar­traðar­byrjun fyrir Frey en Júlíus Mar í drauma­landi

Freyr Alexandersson, þjálfari Brann, gat aðeins treyst á einn af íslensku leikmönnum sínum í leik dagsins. Jón Dagur Þorsteinsson var í byrjunarliði Brann en þeir Sævar Atli Magnússon, Eggert Aron Guðmundsson og Kristall Máni Ingason voru allir fjarverandi vegna meiðsla. 

Hjá Kristiansund var Júlíus Mar Júlíusson, sem fenginn var frá KR, í byrjunarliðinu og þreytti frumraun sína í norsku úrvalsdeildinni. 

Kristiansund komst yfir í leiknum strax á 3.mínútu með marki úr vítaspyrnu frá Mustapha Isah. 1-0.

Þannig stóðu leikar allt þar til rétt fyrir lok fyrri hálfleiksins þegar brotið var á Jóni Degi innan vítateigs Kristiansund og vítaspyrna dæmd.

Joachim Soltvedt tók vítaspyrnuna fyrir Brann og jafnaði metin fyrir liðið, 1-1. 

Bard Finne kom Brann síðan yfir í fyrsta sinn í leiknum með öðru marki liðsins á 65.mínútu. 1-2.

Það stefndi allt í sigur Brann en á 84.mínútu dró til tíðinda þegar að Promise Meliga jafnaði metin fyrir Kristiansund, 2-2 og Promise hafði ekki lokið við dagsverk sitt. 

Hann var aftur á ferðinni í uppbótartíma er hann tryggði Kristiansund sigur með dramatísku sigurmarki. Frábær endurkomusigur hjá Júlíusi Mar og liðsfélögum hans gegn einu af bestu liðum Noregs. 

Á sama tíma afar svekkjandi úrslit fyrir Freysa og lærisveina hans í brann Brann í upphafi tímabilsins, til mikils ætlast af liðinu á meðan að búist er við því að Kristiansund verði að berjast í neðri helmingi deildarinnar.