Diego skoraði magnað mark í jafntefli gegn Barca | Myndband

Atlético Madríd er í fínum málum í viðureign sinni gegn Barcelona í 8 liða úrslitum Meistaradeildarinnar en liðin skildu jöfn, 1-1, í fyrri leiknum á Nývangi í kvöld.

Eftir markalausan fyrri hálfleik skoraði Portúgalinn Diego gjörsamlega frábært mark á 56. mínútu en hann kom inn á sem varamaður fyrir markahrókinn Diego Costa.

Brasilíumaðurinn Neymar kom Barcelona þó til bjargar með marki á 71. mínútu leiksins en fleiri mörk voru ekki skoruð og þarf Barcelona að girða sig í brók fyrir seinni leikinn.

Gerard Pique, miðvörður Barcelona, fór meiddur af velli strax á 13. mínútu en hann lenti illa í baráttunni við DiegoCosta sem fór svo skömmu síðar af velli.

Hér að ofan má sjá markið frábæra hjá Diego en jöfnunarmark Neymars má sjá hér að neðan.