Auglýsa gosdrykk á tunglinu

Japanskur orkudrykkjaframleiðandi verður fyrsta fyrirtækið til að auglýsa vöru sína á tunglinu.

Otsuka Pharmaceutical, sem framleiðir drykkinn Pocari Sweat, mun skjóta dós af drykknum til tungslins á næsta ári.

Drykkurinn verður sendur út í geiminn í duftformi og í sérstakri títaníum dós sem á að þola lendinguna á yfirborði tungslins.

Dósin er einnig hönnuð til þess að þola miklar hitabreytingar á leiðinni og mikla rafsegulgeislun frá sólinni.

Skilaboð frá 38 þúsund japönskum börnum verða grafin í yfirborð dósarinnar sem mun vega um eitt kíló.

Geimferð dósarinnar er samvinnuverkefni bandaríska tæknifyrirtækisins Astrobotic Technology og singapúrska fyrirtækisins Astroscale.

Áætlað er að hið 384 þúsund kílómetra ferðalag taki fjóra daga. Þegar dósin er komin til tunglsins verður henni komið fyrir í gígnum Lacus Mortis, eða „Vatni Dauðans".

Frekari upplýsingar má nálgast á vef Sky News.