Vefmyndavél komið fyrir á Vaðöldu

Míla hefur sett upp vefmyndavél á Vaðöldu til að fylgjast með þróun mála við Bárðarbungu.

Skjálftavirkni í kringum Bárðarbungu er enn mikil. Heldur dró úr virkninni í kringum miðnættið en bætti aftur í upp úr klukkan fjögur í nótt og hefur nú aftur dregið lítillega úr.

Virknin gengur áfram í bylgjum en stærstu skjálftarnir urðu undir morgun og voru þeir allir undir 3 að stærð.

Virknin er að mestu bundin við austurhluta Bárðarbungu og hefur færst lítillega til norðausturs.