Atburðarásin í Bárðarbungu nú er margfalt öflugri en sú sem varð í aðdraganda Gjálpargossins árið 1996. Þá mældust nokkur hundruð skjálftar en núna skipta þeir þúsundum. Vísindindamenn túlka þetta svo að mikil kvika sé á ferðinni sem geti náð hratt upp til yfirborðs.
Click here to see an English version
Kristín Vogfjörð, rannsóknarstjóri Veðurstofunnar, segir að skjálftavirknin í Bárðarbungu sé margfalt meiri en þar hafi áður sést.
„Þetta er mjög öflugur atburður," segir Kristín í viðtali í hádegisfréttum Bylgjunnar. Til samanburðar nefnir hún að nú mælist þúsundir skjálfta en í Gjálpargosinu hafi þeir verið tugir eða hundruð.
Hræringarnar eru túlkaðar svo að kvika streymi upp undir Bárðarbungueldstöðina og leiti síðan út í innskotsgang til norðausturs undir Dyngjujökli. Sá möguleiki er til staðar að kvikan stöðvist þar og nái aldrei upp til yfirborðs.
„Það gæti alveg gerst, - ef gangurinn tekur við allri kvikunni sem er að streyma upp," segir Kristín. Hún segir að GPS-mælingar virðist benda til þess að þrýstingurinn sé stöðugur meðan kvikan leiti úr Bárðarbungu út í þennan gang.
„Og meðan það er þá kannski kemur þetta ekki upp. En við þurfum náttúrlega að fylgjast með þessu vegna þess að þetta er mikið magn af kviku," segir Kristín.
Engin merki sjást enn um að kvikan sé á leið til yfirborðs. Kristín segir að hún sé enn á 5-10 kílómetra dýpi.
„Það er engar vísbendingar um að hún sé að færa sig neitt grynnra. En ef það færi að gerast, þá myndi það gerast mjög hratt," segir Kristín Vogfjörð jarðskjálftafræðingur.
Mjög öflugur atburður, kvikan færi hratt upp
Tengdar fréttir
Verður fimm stiga skjálfti rásmerki Bárðarbungu?
Kröftugur jarðskjálfti í Bárðarbungu um 5 á Richter var það sem hleypti af Gjálpargosinu í Vatnajökli árð 1996.
Viðvörunarstig vegna flugs hækkað í appelsínugult
Áframhaldandi virkni mælist í Bárðarbungu. Ekki verður dregið úr viðbúnaði almannavarna að svo stöddu.
Líklegra að jarðskjálftavirknin lognist útaf
Fundur Vísindamannaráðs Almannavarna vegna jarðskjálftahrinu við Bárðarbungu lauk á sjöunda tímanum í kvöld.
Líkist æ meir kvikuinnskoti sem ekki nái til yfirborðs
Atburðarásin í Bárðarbungu minnir mjög á Kröfluelda, segir Páll Einarsson prófessor, og telur þetta geta verið upphafið að margra ára ferli, en segir þó minnkandi líkur á að eldgos sé yfirvofandi.
Bárðarbunga gæti valdið hamförum við Dettifoss
Almannavarnir lýstu í dag yfir óvissustigi vegna jarðskjálftahrinu sem staðið hefur yfir í Bárðarbungu frá því í nótt. Kvika er talin vera á hreyfingu í eldstöðinni.
Kvika talin streyma inn í eldstöðina af miklu afli
Almannavarnir lýstu í kvöld yfir hættustigi norðan Dyngjujökuls og hafa ákveðið að hálendið þar verði rýmt. Mikið magn kviku er talið streyma upp í Bárðarbungueldstöðina.
Brýrnar gætu sópast burt og Dettifoss sorfist niður
Hrinan í Bárðarbungu er mjög öflug og full ástæða til að gera ráð fyrir eldgosi, að mati sérfræðings Veðurstofu Íslands. Viðvörun gagnvart alþjóðaflugi var í dag sett á næstefsta stig.
Hættustigi almannavarna lýst yfir vegna jarðhræringa
Ákveðið hefur verið að loka og rýma hálendið norðan Dyngjujökuls.
Hamfarir þegar eldgos bræðir þykkt jökulfarg
Hamfarahlaup niður Jökulsá á Fjöllum vegna eldgoss í Bárðarbungu gæti orðið tífalt meðalrennsli Ölfusár, að mati Helga Björnssonar jöklafræðings.
„Eitt öflugasta og hættulegasta eldfjall Íslands“
Aukinn viðbúnaður er á Veðurstofunni vegna mikillar skjálftavirkni í Bárðarbungu í dag. Athuganir gefa til kynna að um kvikuhreyfingar séu að ræða.
Komin á gulan lit fyrir alþjóðaflug
Veðurstofan hefur sent út viðvörun til alþjóðaflugsins vegna þeirrar óvissu sem nú er í Bárðarbungu.
