Lin hrekkti fólk á vaxmyndasafni | Myndband

NBA-stjarnan Jeremy Lin fékk á dögunum vaxmynd af sér í San Francisco og hann nýtti tækifærið til þess að hrekkja fólk í leiðinni.

Lin, sem er orðinn leikmaður Lakers, mætti í eigin persónu á Madame Tussaud-safnið og kom fjölda fólks á óvart.

Fólk sem ætlaði að stilla sér upp með vaxmyndinni brá hraustlega er í ljós kom að þetta var engin vaxmynd heldur Lin sjálfur. Hann gabbaði meira að segja fjölskyldumeðlimi.

Myndband af þessum frábæra hrekk má sjá hér að neðan.