Halldór Orri ekki í hópnum hjá Henke

Halldór Orri Björnsson var ekki í leikmannahópi Falkenbergs FF í kvöld þegar liðið vann 2-0 sigur á Arnór Smárasyni og félögum í Helsingborgs IF í sænsku úrvalsdeildinni í fótbolta.

Falkenberg vann þarna þriðji sigur sinn í röð og endaði um leið þriggja leikja sigurgöngu Helsingborg en með þessari sigurgöngu er Falkenberg á góðri leið að halda sæti sínu í deildinni.

Arnór Smárason var í byrjunarliði Helsingborg-liðsins en var tekinn af velli á 74. mínútu þegar staðan var orðin 2-0 fyrir Falkenberg.

Halldór Orri hefur aðeins fengið að spila í 20 mínútur í síðustu sex deildarleikjum Falkenbergs FF en Henke Larsson, þjálfari liðsins hefur greinilega ekki neina trú á íslenska miðjumanninum.