Stór upplifun fyrir marga keppendur Stefán Árni Pálsson skrifar 7. febrúar 2014 07:00 Íslensku keppendurnir verða viðstaddir setningarathöfnina á Vetrarólympíuleikunum í Sotsjí í kvöld. Ólafur Ragnar Grímsson, forseti Íslands, og Dorrit Moussaieff forsetafrú eru með í för og verða einnig viðstödd athöfnina. mynd/ísí Ólympíuleikarnir í Sotsjí verða settir í kvöld í Rússlandi og má gera ráð fyrir stórkostlegri setningarathöfn en leikarnir eru þeir dýrustu í sögunni. Talið er Rússar hafi varið sex þúsund milljörðum í þessa 22. Vetrarólympíuleika. Vetrarólympíuleikarnir í Sotsjí standa yfir til 23. febrúar. Keppendur frá Íslandi verða fimm talsins en samtals verða 11 aðilar á vegum ÍSÍ á Vetrarólympíuleikunum. Íslensku keppendurnir eru allir mættir til Sotsjí og hafa komið sér fyrir í Ólympíuþorpinu en þeir eru Einar Kristinn Kristgeirsson, Brynjar Jökull Guðmundsson, Helga María Vilhjálmsdóttir, Erla Ásgeirsdóttir og Sævar Birgisson sem verður fánaberi í kvöld. Móttökuhátíð fór fram fyrir íslenska hópinn í Ólympíuþorpinu í Derevnja í gær en á hátíðinni eru þjóðsöngvar viðeigandi landa leiknir og lönd boðin velkomin á leikana. Á hátíðinni í gær voru þrjú lönd boðin velkomin á leikana og Íslendingarnir fóru fyrir okkar þjóð.Forsetinn viðstaddur „Forseti Íslands og forsetafrúin voru viðstödd móttökuhátíðina sem var mjög skemmtileg upplifun fyrir hópinn. Íslenska fánanum var flaggað og voru í raun mikil hátíðarlæti,“ segir Líney Rut Halldórsdóttir, framkvæmdastjóri ÍSÍ. Leikinn var þjóðsöngur Íslands og þjóðfáninn dreginn að húni á móttökuhátíð í Ólympíuþorpinu. Að því loknu heimsóttu forsetahjónin íbúðir íslensku keppendanna, skoðuðu Ólympíuþorpið og snæddu hádegisverð með íslensku keppendunum í matsal þorpsins þar sem fjölbreyttir réttir víða að úr veröldinni eru á boðstólum. Móttökuathöfninni stjórnaði borgarstjóri Ólympíuþorpsins, Svetlana Zhurova, fyrrum Ólympíumeistari í skautahlaupi, og fylgdi hún síðan forsetahjónum og íslensku keppendunum um Ólympíuþorpið sem er í Kákasusfjöllum skammt frá Sotsjí. Í gær sátu forsetahjónin hátíðarkvöldverð í boði forseta Alþjóða Ólympíunefndarinnar, Thomas Bach. „Þetta er svona ákveðin hátíð þar sem þjóðirnar eru boðnar velkomnar og þeirra þjóðsöngvar fá að hljóma. Krakkarnir voru virkilega ánægð með þessa hátíð og heppnaðist hún vel. Borgarstjóri Sotsjí ávarpaði keppendur og bauð þau velkomin til leiks.“ Líney segir að fulltrúar okkar Íslendinga séu í góðu standi og stemningin í hópnum frábær. „Keppendur komu til Sotsjí í gær og byrja síðan að æfa á morgun. Aðstæður eru mjög flottar og fínar og hefur hópurinn komið sér vel fyrir.“ Setningarhátíðin fer fram í dag og hefst hún klukkan fjögur að íslenskum tíma. Hún verður í beinni útsendingu á Stöð 2 Sport og Vísi.Mikil tilhlökkun „Það er mikil eftirvænting fyrir setningarathöfninni og allir í hópnum fullir tilhlökkunar. Síðan þegar henni er lokið tekur alvaran við. Það vakti síðan mikla lukku í dag þegar keppendur fengu allir gefins mjög flottan Samsung-snjallsíma frá Alþjóða Ólympíunefndinni.“ „Þetta er mjög stór upplifun fyrir marga keppendur sem eru að fara á sína fyrstu leika,“ segir Andri Stefánsson, aðalfararstjóri hópsins og jafnframt sviðsstjóri afreks- og ólympíusviðs ÍSÍ. „Fyrsti dagurinn fór mikið í það að meðtaka stemninguna og venjast því að vera á Ólympíuleikum, það gerist ekki á hverjum degi. Sævar [Birgisson] nær að æfa smá í dag en hinir byrja síðan á morgun. Keppendur fara fyrst í það að skoða aðstæður og venjast þeim, en þau hefja ekki keppni alveg strax og fara því nokkuð rólega af stað. Það er einnig mikilvægt að ná úr sér ferðaþreytunni.“ Vetrarólympíuleikar 2014 í Sochi Mest lesið Hótar að stöðva byggingu nýs vallar ef liðið skiptir ekki um nafn Sport Uppgjörið: Lech Poznan - Breiðablik 7-1 | Afhroð í Póllandi Fótbolti Enskar í úrslit eftir dramatík Fótbolti Styttist í að Orri Steinn verði ekki lengur stærsta sala FCK Fótbolti Óskiljanlegur miði Vestra vekur athygli Fótbolti Gascoigne fannst meðvitundarlaus og fluttur á spítala Fótbolti Hrósuðu Túfa í hástert: „Á einhvern hátt heldur maður með honum“ Fótbolti Sænska táningsstelpan tjáir sig um vítið og skilaboðin frá Zlatan Fótbolti Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn Mbeumo staðfestur hjá félagi drauma sinna Enski boltinn Fleiri fréttir „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Eigandi Cowboys gerir stjörnurnar sínar brjálaðar Mætti með bikarinn á frumsýningu Happy Gilmore Víðir fór holu í höggi Rakarastofa og sjónvarp fyrir alla í flottasta búningsklefa heims Sögunni endalausu um Gyökeres loksins að ljúka Borgarstjórinn forðast að ræða hótanir Trumps Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Ekki hissa á því að Horner hafi verið rekinn Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Þurfa að losa leikmenn til að skrá Rashford „Ég líki þessu svolítið við Blikana“ Hálffimmtug Venus snéri aftur með sigri Styttist í að Orri Steinn verði ekki lengur stærsta sala FCK Dagskráin í dag: Breiðablik í Póllandi Daðraði við Dallas áður en hann skrifaði undir hjá Lakers á nýjan leik „Líður eins og ég sé hraðari, sterkari og í betra standi en áður“ Enn leikmaður KR en nú lánaður til Lyngby Amorim og Guardiola vilja fyrrum lærisvein þess fyrrnefnda Íþróttamaður HK til liðs við ÍA Sjá meira
Ólympíuleikarnir í Sotsjí verða settir í kvöld í Rússlandi og má gera ráð fyrir stórkostlegri setningarathöfn en leikarnir eru þeir dýrustu í sögunni. Talið er Rússar hafi varið sex þúsund milljörðum í þessa 22. Vetrarólympíuleika. Vetrarólympíuleikarnir í Sotsjí standa yfir til 23. febrúar. Keppendur frá Íslandi verða fimm talsins en samtals verða 11 aðilar á vegum ÍSÍ á Vetrarólympíuleikunum. Íslensku keppendurnir eru allir mættir til Sotsjí og hafa komið sér fyrir í Ólympíuþorpinu en þeir eru Einar Kristinn Kristgeirsson, Brynjar Jökull Guðmundsson, Helga María Vilhjálmsdóttir, Erla Ásgeirsdóttir og Sævar Birgisson sem verður fánaberi í kvöld. Móttökuhátíð fór fram fyrir íslenska hópinn í Ólympíuþorpinu í Derevnja í gær en á hátíðinni eru þjóðsöngvar viðeigandi landa leiknir og lönd boðin velkomin á leikana. Á hátíðinni í gær voru þrjú lönd boðin velkomin á leikana og Íslendingarnir fóru fyrir okkar þjóð.Forsetinn viðstaddur „Forseti Íslands og forsetafrúin voru viðstödd móttökuhátíðina sem var mjög skemmtileg upplifun fyrir hópinn. Íslenska fánanum var flaggað og voru í raun mikil hátíðarlæti,“ segir Líney Rut Halldórsdóttir, framkvæmdastjóri ÍSÍ. Leikinn var þjóðsöngur Íslands og þjóðfáninn dreginn að húni á móttökuhátíð í Ólympíuþorpinu. Að því loknu heimsóttu forsetahjónin íbúðir íslensku keppendanna, skoðuðu Ólympíuþorpið og snæddu hádegisverð með íslensku keppendunum í matsal þorpsins þar sem fjölbreyttir réttir víða að úr veröldinni eru á boðstólum. Móttökuathöfninni stjórnaði borgarstjóri Ólympíuþorpsins, Svetlana Zhurova, fyrrum Ólympíumeistari í skautahlaupi, og fylgdi hún síðan forsetahjónum og íslensku keppendunum um Ólympíuþorpið sem er í Kákasusfjöllum skammt frá Sotsjí. Í gær sátu forsetahjónin hátíðarkvöldverð í boði forseta Alþjóða Ólympíunefndarinnar, Thomas Bach. „Þetta er svona ákveðin hátíð þar sem þjóðirnar eru boðnar velkomnar og þeirra þjóðsöngvar fá að hljóma. Krakkarnir voru virkilega ánægð með þessa hátíð og heppnaðist hún vel. Borgarstjóri Sotsjí ávarpaði keppendur og bauð þau velkomin til leiks.“ Líney segir að fulltrúar okkar Íslendinga séu í góðu standi og stemningin í hópnum frábær. „Keppendur komu til Sotsjí í gær og byrja síðan að æfa á morgun. Aðstæður eru mjög flottar og fínar og hefur hópurinn komið sér vel fyrir.“ Setningarhátíðin fer fram í dag og hefst hún klukkan fjögur að íslenskum tíma. Hún verður í beinni útsendingu á Stöð 2 Sport og Vísi.Mikil tilhlökkun „Það er mikil eftirvænting fyrir setningarathöfninni og allir í hópnum fullir tilhlökkunar. Síðan þegar henni er lokið tekur alvaran við. Það vakti síðan mikla lukku í dag þegar keppendur fengu allir gefins mjög flottan Samsung-snjallsíma frá Alþjóða Ólympíunefndinni.“ „Þetta er mjög stór upplifun fyrir marga keppendur sem eru að fara á sína fyrstu leika,“ segir Andri Stefánsson, aðalfararstjóri hópsins og jafnframt sviðsstjóri afreks- og ólympíusviðs ÍSÍ. „Fyrsti dagurinn fór mikið í það að meðtaka stemninguna og venjast því að vera á Ólympíuleikum, það gerist ekki á hverjum degi. Sævar [Birgisson] nær að æfa smá í dag en hinir byrja síðan á morgun. Keppendur fara fyrst í það að skoða aðstæður og venjast þeim, en þau hefja ekki keppni alveg strax og fara því nokkuð rólega af stað. Það er einnig mikilvægt að ná úr sér ferðaþreytunni.“
Vetrarólympíuleikar 2014 í Sochi Mest lesið Hótar að stöðva byggingu nýs vallar ef liðið skiptir ekki um nafn Sport Uppgjörið: Lech Poznan - Breiðablik 7-1 | Afhroð í Póllandi Fótbolti Enskar í úrslit eftir dramatík Fótbolti Styttist í að Orri Steinn verði ekki lengur stærsta sala FCK Fótbolti Óskiljanlegur miði Vestra vekur athygli Fótbolti Gascoigne fannst meðvitundarlaus og fluttur á spítala Fótbolti Hrósuðu Túfa í hástert: „Á einhvern hátt heldur maður með honum“ Fótbolti Sænska táningsstelpan tjáir sig um vítið og skilaboðin frá Zlatan Fótbolti Uppgjörið: Víkingur - Valur 1-2 | Valsmenn tóku toppsætið af tíu Víkingum Íslenski boltinn Mbeumo staðfestur hjá félagi drauma sinna Enski boltinn Fleiri fréttir „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Eigandi Cowboys gerir stjörnurnar sínar brjálaðar Mætti með bikarinn á frumsýningu Happy Gilmore Víðir fór holu í höggi Rakarastofa og sjónvarp fyrir alla í flottasta búningsklefa heims Sögunni endalausu um Gyökeres loksins að ljúka Borgarstjórinn forðast að ræða hótanir Trumps Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Ekki hissa á því að Horner hafi verið rekinn Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Þurfa að losa leikmenn til að skrá Rashford „Ég líki þessu svolítið við Blikana“ Hálffimmtug Venus snéri aftur með sigri Styttist í að Orri Steinn verði ekki lengur stærsta sala FCK Dagskráin í dag: Breiðablik í Póllandi Daðraði við Dallas áður en hann skrifaði undir hjá Lakers á nýjan leik „Líður eins og ég sé hraðari, sterkari og í betra standi en áður“ Enn leikmaður KR en nú lánaður til Lyngby Amorim og Guardiola vilja fyrrum lærisvein þess fyrrnefnda Íþróttamaður HK til liðs við ÍA Sjá meira