Fimmtíu skjálftar í Bárðarbungu

Frá því í gærmorgun hafa mælst um 50 jarðskjálftar í Bárðarbungu en þetta kemur fram í tilkynningu frá Veðurstofu Íslands. Stærsti skjálftinn þar mældist 4,6 af stærð  um klukkan sjö í morgun og  var hann við suðurjaðar öskjunnar. 

Alls mældust  9  jarðskjálftar á stærðarbilinu 4 til 4,6.  Um 10   skjálftar voru í kvikuganginum, allir undir  2 að stærð.

Við  Herðubreið og Herðubreiðartögl mældust um 10 skjálftar, sá stærsti 2,3 stig um kl. 10  í gærmorgun.