Aðeins fleiri skjálftar hafa mælst við Bárðarbungu síðasta sólarhringinn en sólarhringana á undan eða um 45. Þetta kemur fram í tilkynningu frá Veðurstofu Íslands.
Stærsti skjálftinn varð á tíunda tímanum í gærkvöld og var hann 4,6 af stærð. Fjórir skjálftar af stærðinni milli 3 og 4 mældust á tímabilinu.
Um 15 skjálftar hafa mælst í kvikuganginum síðan í gærmorgun. Stærsti var 1,9 af stærð.
