Vara við logni á morgun

Það heyrir til tíðinda þegar dregur úr sunnanáttinni og nú spáir Veðurstofa Íslands hægri suðlægri eða breytilegri átt á morgun, bjart á köflum og stöku skúrir eða él. Hiti um eða rétt yfir frostmarki, sem sagt nokkuð gott veður miðað síðastliðnar vikur.



Björgunarsveitin Þorbjörn í Grindavík gerir létt grín að þessu öllu saman og varar við logni sem gæti mögulega gengið yfir landið á næstu dögum með tilheyrandi sólarglennu og blíðviðri. „Hætt er við því að fólk hreinlega detti á hliðina þar sem allir eru orðnir vanir því að halla sér upp í vindinn og þá má búast við því að hitastig hækki örlítið þannig að kuldagallinn gæti sloppið í þvottavélina áður en næsta lægð kemur,“ segir í orðsendingu frá sveitinni sem biður fólk um að vera sérstaklega á varðbergi gagnvart þessu.

Post by Björgunarsveitin Þorbjörn.