Þrjár íslenskar stúlkur, sem urðu fyrir því að Facebook eyddi út #FreeTheNipple viðburði á þeirra vegum, standa fyrir sundferð í Laugardalslaugina í kvöld. Hvetja þær alla til að láta sjá sig og flagga fögrum brjóstum.
Hanna María Geirdal stendur fyrir viðburðinum ásamt Karen Björt Eyþórsdóttur og Guðbjörgu Ríkey Thoroddsen Hauksdóttur. Reikna má með góðum viðtökum aðstandenda laugarinnar líkt og Vísir fjallaði um fyrr í dag.
„Auk þess verður önnur sundferð næstkomandi sunnudag, en fólki er frjálst að fara í hvaða sundlaug sem er,“ segir Hanna María í samtali við Vísi. Hanna María er meðstjórnandi í skólafélagi MR en #FreeTheNipple dagurinn er einmitt haldinn hátíðlegur í skólanum í dag.
Stelpurnar hafa stofnað til nýs Facebook-viðburðar en prófílmyndin með viðburðinum er af karlkynsbrjóstum. Fróðlegt verður að sjá hvort viðburðurinn fær að standa.
Þær stöllur ætla svo aftur í sund á sunnudagskvöldið og hvetja fólk til að skella sér með.
„BRJÓSTIN MÍN TILHEYRA MÉR - EKKI KLÁMVÆÐINGUNNI!“ eru skilaboð sem stelpurnar senda til fólksins en viðburðinn má nálgast hér.
Ætla berbrjósta í Laugardalslaugina og vilja þig með
Tengdar fréttir
Berbrjósta konur velkomnar í Laugardalslaugina
"Við höfum aldrei skipt okkur af þessu,“ segir forstöðumaður laugarinnar.
Facebook lokaði á íslenskan #FreeTheNipple viðburð
"Það að viðburðurinn var tekinn út sýnir hversu brýnt þetta málefni er,“ segir Karen Björk Eyþórsdóttir.
Borgarfulltrúi Framsóknar: „Frelsum geirvörtuna-dagurinn er alveg hámark plebbismans“
Guðfinna Jóhanna Guðmundsdóttir, borgarfulltrúi Framsóknarflokksins í Reykjavík, er ekki líkleg til að birta brjóstamynd af sér í tilefni #FreeTheNipple dagsins.
Ósammála flokkssystur sinni: Yngsta þingkonan vill ekki að brjóst séu falin
Hanna María Sigmundsdóttir leggur sitt lóð á vogaskálarnar í #FreeTheNipple
Biggi lögga gagnrýnir FreeTheNipple: "Hvað ef þær sjá eftir þessu?“
Birgir Örn Guðjónsson bætist í hóp þeirra sem gagnrýna uppátækið.
