Sjáðu fyrsta mark Alfreðs á Spáni

Alfreð Finnbogason er loksins kominn á blað í spænsku 1. deildinni í fótbolta, en hann skoraði þriðja mark Real Sociedad í 3-1 heimasigri gegn Granada í gærkvöldi.

Alfreð kom inn á sem varamaður á 89. mínútu leiksins og skoraði skömmu síðar af stuttu færi eftir laglegan undirbúning Carlosar Vela.

Íslenski landsliðsframherjinn er nú búinn að koma við sögu í 19 leikjum í spænsku deildinni fyrir Real Sociedad og koma ellefu skotum á markið.

Hann hefur verið mikið notaður sem varamaður að undanförnu en það eru góð tíðindi fyrir íslenska landsliðið að Alfreð sé byrjaður að skora.

Alfreð ferðast með strákunum okkar frá Frankfurt til Astana í kvöld þar sem liðið hefur undirbúning fyrir landsleikinn mikilvæga gegn Kasakstan á laugardaginn.