Enginn Íslendingur í byrjunarliði Viking í jafntefli

Það var enginn Íslendingur í byrjunarliði Viking Stavanger gegn Odd Ballklubb í norsku úrvalsdeildinni í knattspyrnu í dag, en leiknum lauk með 1-1 jafntefli.

Oliver Occean kom Odd yfir eftir fimmtán mínútna leik, en Indriði Sigurðsson kom inná eftir 28. mínútna leik. Staðan var 0-1 fyrir Odd í hálfleik.

Yann-Erik de Lanlay jafnaði metin fyrir Viking á 53. mínútu, en á 71. mínútu kom Jón Daði Böðvarsson inná sem varamaður. Björn Daníel Sverrisson var ekki í leikmannahópnum vegna meiðsla og Steinþór Freyr Þorsteinsson var ónotaður varamaður.

Leiknum lauk með 1-1 jafntefli, en Viking er með tíu stig eftir sjö leiki. Odd er með ellefu stig eftir jafnmarga leiki.