OB skellti toppliðinu

OB fjarlægðist fallbaráttuna í dönsku úrvalsdeildinni í knattspyrnu með 3-1 sigri á toppliði Midtjylland. Ari Freyr Skúlason og Hallgrímur Jónasson voru báðir í eldlínunni.

Sylvester Igboun varð fyrir því óláni að skora sjálfsmark fyrir Midtjylland og Rasmus Falk Jensen kom OB í 2-0. Morten Duncan Rasmussen minnkaði muninn fyrir Midtjylland á 29. mínútu og staðan 2-1 eftir hálftíma leik.

Fjörinu í fyrri hálfleik var ekki lokið. Daniel Hoeegh kom OB í 3-1 undir blálok fyrri hálfleiks og þannig var staðan í hálfleik. Ekkert mark var skorað í síðari hálfleik og lokatölur 3-1 sigur Midtjylland.

Ari Freyr Skúlason og Hallgrímur Jónasson spiluðu báðir allan leikinn fyrir OB, sem er í áttunda sætinu með 35 stig. Midtjylland er enn á toppnum með tólf stiga forskot á FCK sem á þó leik til góða.