Logi sjöundi meðlimurinn í fimm Smáþjóðaleika hópnum

Logi Gunnarsson er í leikmannahópi íslenska karlalandsliðsins á Smáþjóðaleikunum sem nú standa yfir en hann er leikreyndasti leikmaður íslenska liðsins og búinn að leika 107 landsleiki þegar einn leikur er eftir á mótinu.

Íslenska liðið leikur úrslitaleik gegn Svartfjallalandi á morgun laugardag kl. 16.00 um gullið á leikunum. Frítt er inn á alla viðburði Smáþjóðaleikana og því áhorfendur hvattir til að mæta og styðja við bakið á landsliðunum okkar.

Logi er að fara að taka þátt í sínum fimmtu Smáþjóðaleikum og fær um leið inngögngu í fámennan hóp. Sex aðrir leikmenn hafa náð því að spila á fimm Smáþjóðaleikum.

Logi er orðinn 33 ára gamall en hann átti flott tímabil með Njarðvíkingum og var frábær í úrslitakeppninni þar sem að hann skoraði . Logi var valinn í fimm manna úrvalslið tímabilsins.

Logi hefur skorað 278 stig í 20 leikjum á Smáþjóðaleikum sem gera 13,9 stig að meðaltali í leik. Hann var fyrst með á Smáþjóðaleikunum í San Marínó árið 2001 og hefur verið með á öllum Smáþjóðaleikum nema tveimur síðan þá.  

Logi var ekki með síðast þegar leikarnir fóru fram í Lúxemborg árið 2013 og hann var heldur ekki með á Smáþjóðaleikunum í Andorra fyrir tíu árum síðan.

Logi Gunnarsson nær ekki leikjameti Guðmundar Bragasonar á þessum Smáþjóðaleikum en kemst í 2. sætið. Guðmundur spilaði á sínum tíma 28 leiki á sjö Smáþjóðaleikum en Guðmundur var með á sjö af átta fyrstu Smáþjóðaleikum íslenska karlalandsliðsins.

Magnús Þór Gunnarsson er í öðru sætinu með þremur leikjum meira en Logi sem ætti því að ná að jafna hann með því að spila alla þrjá leiki Íslands á Smáþjóðaleikunum.

Flestir Smáþjóðaleikar hjá íslenskum leikmönnum:

7 - Guðmundur Bragason

5 - Guðjón Skúlason

5 - Jón Kr. Gíslason

5 - Teitur Örlygsson

5 - Valur Ingimundarson

5 - Magnús Þór Gunnarsson

5 - Logi Gunnarsson

4 - Falur Harðarson

4 - Herbert Arnarson

4 - Fannar Ólafsson

4 - Páll Axel Vilbergsson

4 - Helgi Már Magnússon

Flestir landsleikir karla á Smáþjóðaleikum:

Guðmundur Bragason    28

Magnús Þór Gunnarsson    23

Logi Gunnarsson    20

Teitur Örlygsson    20

Guðjón Skúlason    20

Valur Ingimundarson    19

Páll Axel Vilbergsson    19

Jón Kr. Gíslason    19

Fannar Ólafsson    19

Herbert Arnarson    18

Friðrik Stefánsson    15

Jón Norðdal Hafsteinsson    15

Smáþjóðaleikar Guðmundar Bragasonar:

1987 í Mónakó - 3 leikir, 19 stig

1989 á Kýpur - 3 leikir, 31 stig

1991 í Andorra - 4 leikir, 65 stig

1993 á Möltu - 5 leikir, 97 stig

1995 í Lúxemborg  - 4 leikir, 80 stig

1997 á Íslandi - 4 leikir, 34 stig

2003 á Möltu -     5 leikir, 37 stig

Samtals - 28 leikir, 363 stig

Smáþjóðaleikar Loga Gunnarssonar:

2001 í San Marínó - 5 leikir, 95 stig

2003 á Möltu - 5 leikir, 58 stig

2007 í Mónakó - 5 leikir, 75 stig

2009 á Kýpur - 5 leikir, 50 stig

Samtals - 20 leikir, 278 stig