Sjáðu magnaða hjólhestaspyrnu Matthíasar

Matthías Vilhjálmsson skoraði stórbrotið mark fyrir Start gegn Álasund í norsku úrvalsdeildinni í knattspyrnu í dag. Markið skoraði Matthías með rosalegri hjólhestapsyrnu.

Aftenbladet í Noregi hefur nú birt upptöku af markinu, en það má sjá hér. Markið skoraði hann í 2-1 sigri gegn Álasund, en Start er í tíunda sætid eildarinnar.

„Þetta var mitt flottasta mark á ferlinum, augljóslega. Ég skoraði einnig með hjólhestaspyrnu gegn Sogndal 2013 og svo hef ég skorað nokkuð á Íslandi. Þetta var mjög fínt gegn góðu Álasund-liði,” sagði Matthías í leikslok.

„Ég hef reynt þetta nokkrum sínum á mínum ferli. Það hefur ekki alltaf endað vel, en ég var heppinn og þetta gekk vel upp.”

„Þetta var erfitt ár í fyrra, en ég vissi ég þyrfti að koma sterkur til baka og sýna karakter. Það hef ég gert. Strárkarnir eru einnig duglegir að leggja upp fyrir mig.”

Ísfirðingurinn var orðaður við rússneskt lið á dögunum, en hann segist ekki hugsa út í það og segir honum líði vel í Kristiasand.

„Ég hugsa ekki út í það. Ég er með hugann minn við Start og mér og fjölskyldunni líður vel í Kristiansand. Það er frábær bær,” sagði Matthías.