Sjáðu vítið sem felldi KR-inga í kvöld | Myndband

Norska liðið Rosenborg vann 1-0 sigur á KR á Alvogen-vellinum í Frostaskjóli í fyrri leik liðanna í 2. umferð forkeppni Evrópudeildarinnar.

Gamli FH-ingurinn Alexander Söderlund fiskaði víti sem Pål André Helland skoraði eina mark leiksins úr og tryggði norska liðinu Rosenborg 1-0 sigur á KR.

KR-ingurinn Rasmus Christiansen togaði Alexander Söderlund niður á 56. mínútur og ungverski dómarinn Ádám Farkas átti ekki annarra kosta völ en að benda á vítapunktinn.

Pål André Helland skoraði af öryggi úr vítinu og Hólmar Örn Eyjólfsson og félagar í Rosenborg eru því í góðri stöðu fyrir seinni leikinn í Þrándheimi.

Brotið og markið má sjá í myndbandinu hér fyrir ofan.