Lundberg sá um Nordsjælland sem er án stiga

Nordsjælland byrjar ekki vel í dönsku úrvalsdeildinni í knattspyrnu, en þeir töpuðu öðrum leik sínum í deildinni í dag. Í dag töpuðu þeir fyrir Randers, 3-0.

Viktor Lundberg kom Randers yfir á 34. mínútu og Viktor var aftur á ferðinni tíu mínútum síðar og tvöfaldaði forystu Randers.

Staðan var 2-0 í hálfleik, en Viktor fullkomnaði þrennuna á 57. mínútu. Staðan orðin 3-0 fyrir Randers og þannig urðu lokatölur.

Adam Örn Arnarsson og Guðmundur Þórarinsson voru báðir í byrjunarliði Nordsjælland. Adam lék allan leikinn, en Guðmundur var tekinn útaf á 58. mínútu. Rúnar Alex Rúnarsson sat á bekknum, en Ólafur Kristjánsson þjálfar eins og kunnugt er Nordsjælland.

Nordsjælland er með núll stig eftir leikina tvo sem búnir eru, en þeir töpuðu 2-0 fyrir SönderjyskE í fyrsta leiknum.

#RFCFCN : Slutfløjt i Randers. Tillykke med sejren til @Randers_FC .

— FC Nordsjælland (@FCNordsjaelland) July 26, 2015