Fótbolti

Glódís á sínum stað í liði Eskilstuna

Ingvi Þór Sæmundsson skrifar
Glódís varð tvívegis Íslandsmeistari með Stjörnunni áður en hún fór út í atvinnumennsku.
Glódís varð tvívegis Íslandsmeistari með Stjörnunni áður en hún fór út í atvinnumennsku. vísir/valli
Landsliðskonan Glódís Perla Viggósdóttir lék allan leikinn fyrir Eskilstuna United sem gerði 1-1 jafntefli við Vittsjö í sænsku úrvalsdeildinni í kvöld.

Eskilstuna er enn á toppi deildarinnar, tveimur stigum á undan Rosengård sem á leik til góða.

Gaelle Enganamouit, sem sló í gegn með kamerúnska landsliðinu á HM í Kanada í sumar, kom Eskilstuna yfir á 22. mínútu en Jane Ross tryggði Vittsjö, sem er í 7. sæti deildarinnar, stig þegar hún jafnaði metin átta mínútum fyrir leikslok.

Glódís hefur leikið alla 11 leiki Eskilstuna í deildinni en hún er á sínu fyrsta tímabili með liðinu.

Fótbolti á Norðurlöndum

Tengdar fréttir

Fyndinn karakter sem er til í allt

Kamerún hefur komið hvað mest á óvart á HM kvenna í fótbolta en þær kamerúnsku komust í sextán liða úrslit í frumraun sinni á HM. Stærsta stjarna liðsins er hin litríka Gaëlle Enganamouit, sem er samherji Glódísar Perlu Viggósdóttur hjá sænska liðinu Eskilstuna.

Mest lesið


Fleiri fréttir

Sjá meira


×

Mest lesið