Dramatískur sigur Helsingborg

Helsingborg skaust upp í sjöunda sæti sænsku úrvalsdeildarinnar í knattspyrnu með 3-2 sigri á Falkenbergs FF í dag. Guðlaugur Victor Pálsson lék allan leikinn.

Gustaf Nilsson kom Falkenbergs yfir, en Darijan Bojanic kom Helsingborg yfir með tveimur mörkum fyrir hlé.

Gustaf var ekki hættur og jafnaði hann metin á 54. mínútu, en Emmanuel Boateng tryggði Helsingborg sigurinnn með marki í uppbótartíma.

Victor spilaði allan leikinn fyrir Helsinborg, en Arnór Smárason kom inná sem varamaður síðustu sex mínúturnar. Helsingborg er í sjöunda sætinu með 27 stig.