Ronda rotaði Correia eftir 34 sekúndur | Myndband

Bardagakonan Ronda Rousey sýndi enn og aftur hvers hún er megnug í nótt þegar hún vann hina brasilísku Bethe Correia á UFC 190 bardagakvöldinu í Ríó í Brasilíu í nótt.

Ronda er ekki vön að vera lengi að hlutunum og það var engin breyting þar á í nótt en eftir 34 sekúndur var hún búin að rota Correia sem átti aldrei mögulega í bardaganum.

Með sigrinum varði Ronda titil sinn í bantamvigt en hún er enn ósigruð í MMA.

Bardagann í heild sinni má sjá hér að ofan.

Þetta er þriðji bardaginn í röð sem Ronda klárar á innan við mínútu og sá fjórði í röð sem hún klárar á innan við 1:06 mínútum.

Síðustu fjórir bardagar Rondu Rousey:

UFC 190: Bethe Correia - 0:34 mín

UFC 184: Cat Zingano - 0:14 mín

UFC 175: Alexis Davis - 0:16 mín

UFC 170: Sara McMann - 1:06 mín