Sara skoraði í jafnteflisleik

Topplið sænsku úrvalsdeildarinnar, Rosengård, gerði óvænt jafntefli í kvöld.

Þá tók liðið á móti Vittsjö, sem er í sjötta sæti deildarinnar, og gerði jafntefli, 2-2.

Rosengård komst yfir strax á þriðju mínútu en Vittsjö komst yfir með mörkum í lok fyrri hálfleiks og upphafi seinni hálfleiks.

Þær voru aðeins aðeins í tvær mínútur því þá jafnaði íslenska landsliðskonan Sara Björk Gunnarsdóttir leikinn fyrir Rosengård með marki úr vítaspyrnu.

Þrátt fyrir góðar tilraunir það sem eftir lifði leiks þá náði Rosengård ekki að knýja fram sigur.  Liðið er þrátt fyrir það með fimm stiga forskot á toppi deildarinnar.