Tíu stiga forskot Lilleström eftir sigur á Avaldsnes

Lilleström er með tíu stiga forskot á toppi norsku úrvalsdeildarinnar í knattspyrnu þegar sex leikir eru eftir. Lilleström vann 1-0 sigur á Avaldsnes í dag.

Eina mark leiksins kom á 69. mínútu, en Lene Mykjåland skoraði þá með góðu skoti. Markvörður Avaldsnes réð ekki við skotið, en skotið var langt frá því að vera fast.

Avaldsnes gekk illa að skapa sér afgerandi marktækifæri og lokatölur urðu 1-0 sigur Lilleström.

Liðið er komið með 43 stig af 48 mögulegum, en það er með tíu stiga forystu á Avaldsnes sem er í öðru sætinu.

Guðbjörg Gunnarsdóttir og Hólmfríður Magnúsdóttir spiluðu baðar allan leikinn fyrir sitt hvort lið; Guðbjörg fyrir Lilleström og Hólmfríður fyrir Avaldsnes.