Stöð 2 Sport sýnir einn leik úr NFL í hverri umferð | Deildin hefst í kvöld

Sýnt verður frá einum leik í viku i NFL-deildinni á Stöð 2 Sport í vetur en NFL tímabilið hefst í kvöld með leik New England Patriots og Pittsburg Steelers. Verður sýnt frá leik Denver Broncos og Baltimore Ravens í fyrstu umferð en leikurinn hefst klukkan 20.00 á sunnudaginn.

NFL tímabilið hefst í kvöld með leik ríkjandi meistaranna í New England Patriots og Pittsburgh Steelers og verður Tom Brady, leikstjórnandi New England Patriots, með liðinu í kvöld eftir að hafa unnið mál fyrir framan dómstólum sem úrskurðaði leikbann hans ógilt.

Var Brady upphaflega dæmdur í fjögurra leikja bann fyrir aðild sína að málinu þegar lofti var dælt úr boltunum fyrir leik Patriots og Indianapolis Colts í úrslitakeppni í AFC-deildinni í úrslitakeppni síðasta tímabils.

Þótti hinsvegar enginn grundvöllur fyrir banninu að mati dómstóla sem úrskurðuðu bannið ólögmætt og getur hann því leikið með liði sínu í kvöld.

Stöð 2 Sport sýnir frá leik Denver Broncos og Baltimore Ravens á sunnudaginn en mikil pressa er á liði Denver Broncos í ár. Verður þetta líklegast síðasta tímabil hins goðsagnakennda Peyton Manning en talið er að hann leggi skónna á hilluna að tímabilinu loknu eftir átján tímabil í deildinni.

Það eru heldur fleiri spurningarmerki um Baltimore Ravens en liðið missti útherjann Torrey Smith til San Fransisco 49ers í vor. Mun því eflaust mikið mæða á nýliðanum Breshad Perriman og hinum 36 árs gamla Steve Smith Sr. í útherjastöðunni í vetur en helsta spurningarmerki liðsins fyrir tímabilið er sóknarleikurinn.

Það eru ýmsir aðrir spennandi leikir í 1. umferð NFL-deildarinnar en þar má m.a. nefna leik Buccaneeers og Titans þar sem efstu tveir leikmennirnir úr nýliðavalinu í vor, leikstjórnendurnir Jameis Winston og Marcus Mariota mætast.

Fyrsta umferðin í NFL-deildinni:

Fimmtudagur

New England Patriots - Pittsburgh Steelers

Sunnudagur

Chicago Bears - Green Bay Packers

Houston Texans - Kansas City Chiefs

New York Jets - Cleveland Browns

Buffalo Bills - Indianapolis Colts

Washington Redskins - Miami Dolphins

Jacksonville Jaguars - Carolina Panthers

St. Louis Rams - Seattle Seahawks

Arizona Cardinals - New Orleans Saints

San Diego Chargers - Detroit Lions

Tampa Bay Buccaneers - Tennessee Titans

Oakland Raiders - Cincinnati Bengals

Denver Broncos - Baltimore Ravens, í beinni á Stöð 2 Sport.

Dallas Cowboys - New York Giants

Mánudagur

Atlanta Falcons - Philadelphia Eagles

San Fransisco 49ers - Minnesota Vikings